新手入坑 #5｜點樣分真假卡？五個唔使工具嘅檢查法

① 光測

用電話電筒喺卡背後照。真卡中間有夾層，透光係均勻嘅暗紅／暗橙色；假卡通常透晒光，成張卡好似燈箱咁着。呢招殺傷力最大。

② 印刷細節

睇卡面細字同能量符號 — 真卡印刷銳利，放大睇有規律網點；假卡文字邊緣矇、能量符號糊成一舊、顏色成日偏深或者偏鮮。

③ 材質手感

真卡有紙感、有韌性，彎少少會自己彈返直。假卡好多過膠面（滑潺潺）、或者太薄太硬。多摸真卡，手感係練返嚟嘅。

④ 卡背對比

攞張確定係真嘅普卡同佢背對背擺埋一齊。假卡嘅卡背藍色最難仿 — 偏紫、偏淺、精靈球印刷走位都係經典破綻。

⑤ 價錢太靚必有伏

市價 HK$12,010 嘅卡有人 HK$3,000 賣你？唔係佢唔識行情，係張卡有問題。買之前一定去 Kado 查市價，離譜折扣就係最大警號。